உலகின் சக்தியாக விளங்கக்கூடியது பார்வதி தேவி என ஆன்மீகம் கூறுகிறது. அனைத்து தெய்வங்களுக்கும் சக்தியாக விளங்கக்கூடிய பார்வதி தேவியைப் புகழ்ந்து பல புராணங்கள் பாடப்பட்டுள்ளன. இந்த பூமியில் பெண்களாகப் பிறந்த அனைவருமே பார்வதி தேவியின் அம்சம் எனப் புராணங்கள் கூறுகின்றன.
பார்வதி தேவியின் முக்கிய அம்சமாக அனைவரும் வணங்கக்கூடிய தெய்வமாக விளங்குபவர் துர்கா தேவி. சக்தி தேவிக்கு இணையான சக்தி கொண்டவர் இந்த துர்கா தேவி. துக்கங்களை போக்கக்கூடியவர் என்பதால் இவருக்குத் துர்க்கை என்று பெயர்.
எவராலும் இவரை வெல்ல முடியாது என இவரது பெயருக்கு அர்த்தங்கள் உள்ளன. இந்த துர்கா தேவியின் வழிபாடு மிகவும் உன்னதம் நிறைந்தவை. குறிப்பிட்ட நேரம் காலம் இல்லாமல் அனைத்து நேரங்களிலும் இதுவரை வழிபாடு செய்யலாம்.
சிவபெருமான் கோயில்களில் துர்கா தேவிக்கென தனி சிலை சிலையும் இடமும் கொடுக்கப்பட்டுள்ளது. ராகு கால நேரத்தில் துர்க்கை அம்மன் வழிபடுவது அதிக பலமும், நல்ல பலன்களும் கொடுக்கும் எனக் கூறப்படுகிறது. உத்திர தெய்வமான துர்க்கை தீமைகளை அழித்து, கெட்ட குணங்களை நீக்கக் கூடியவர்.
கெட்டவை அனைத்தையும் அளிக்கும் தொழிலைத் துர்க்கை செய்து வருவதால் அவருக்கு ராகுகால வேலையில் வழிபாடு நடத்தப்படுகிறது. இந்த ராகுகால துர்க்கை அம்மன் விரத வழிபாட்டிற்குச் செவ்வாய்க்கிழமையும், வெள்ளிக்கிழமையும் சிறந்த நாளாகும்.
விரத வழிபாடு சிறப்பு என்றாலும், இந்த குறிப்பிட்ட நாளில் துர்க்கை அம்மனுக்கு விரதம் இருந்து வழிபட்டால் கடினமாக இருக்கக்கூடிய காரியங்களும் விரைவில் ஈடேறும் என்பது ஐதீகமாகும். செவ்வாய்க்கிழமை அன்று மாலை 3 மணி முதல் 4.30 மணி வரை ராகு கால நேரமாகும். வெள்ளிக்கிழமை காலை 10.30 மணி முதல் 12 மணி வரை ராகு கால நேரமாகும்.
இந்த நேரத்தில் சிறப்புக் கோயிலாக இருந்தாலும் சரி, சிவபெருமான் கோயில்களாக இருந்தாலும் சரி கோயிலில் வீற்றிருக்கும் துர்க்கை அம்மனுக்குச் சிவப்பு நிற மலர்களைச் சாற்றி வழிபாடு செய்யலாம். எலுமிச்சை பழத்தில் தீபம் ஏற்றி நமது வேண்டுதல்களைத் துர்க்கை அம்மனிடம் முறையிடலாம்.
இந்த இரண்டு கிழமைகள் மட்டுமல்லாது என் ஞாயிற்றுக்கிழமைகளில் மாலை 4.30 மணி முதல் ஆறு மணி வரையிலான ராகு கால நேரத்தில் துர்க்கை அம்மன் சன்னதிக்கு முன் அமர்ந்து கொண்டு வழிபாடு செய்துவிட்டு, எலுமிச்சை பழத்தில் தீபம் ஏற்றி வழிபட்டால் வாழ்வில் இருக்கும் துன்பங்கள் அனைத்தும் விலகும், திருமணத் தடைகள் நீங்கும் என்பது ஐதீகமாகும்.
ராகு கால துர்க்கா அஷ்டகம்…
வாழ்வு ஆனவள் துர்க்கா வாக்குமானவள்
வானில் நின்றவள் இந்த மண்ணில் வந்தவள்
தாழ்வு அற்றவள் துர்க்கா தாயும் ஆனவள்
தாபம் நீக்கியே என்னைத்தாங்கும் துர்க்கையே
தேவி துர்க்கையே ஜெய தேவி துர்க்கையே
தேவி துர்க்கையே ஜெய தேவி துர்க்கையே
உலகை யீன்றவள் துர்க்கா உமையுமானவள்
உண்மையானவள் எந்தன் உயிரைக்காப்பவள்
நிலவில் நின்றவள் துர்க்கா நித்திய மானவள்
நிலவி நின்றவள் எந்தன் நிதியும் துர்க்கையே
தேவி துர்க்கையே ஜெய தேவி துர்க்கையே
தேவி துர்க்கையே ஜெய தேவி துர்க்கையே
செம்மையானவள் துர்க்கா ஜெயமுமானவள்
ஆம்மையானவள் அன்புத் தந்தை யானவள்
இம்மையானவள் துர்க்கா இன்பமானவள்
மும்மையானவள் என்றும் முழுமை துர்க்கையே
தேவி துர்க்கையே ஜெயதேவி துர்க்கையே
தேவி துர்க்கையே ஜெயதேவி துர்க்கையே
உயிருமானவள் துர்க்கா உடலுமானவள்
உலகமானவள் எந்தன் உடமை யானவள்
பயிறு மானவள் துர்க்கா படரும் கொம்பவள்
பண்பு பொங்கிட என்னுள் பழுத்த துர்க்கையே
தேவி துர்க்கையே ஜெய தேவி துர்க்கையே
தேவி துர்க்கையே ஜெய தேவி துர்க்கையே
துன்பமற்றவள் துர்க்கா துரிய வாழ்பவள்
துறையு மானவள் இன்பத் தோனி யானவள்
அன்பு உற்றவள் துர்க்கா அபய வீடவள்
நன்மை தங்கிட என்னுள் நடக்கும் துர்க்கையே
தேவி துர்க்கையே ஜெய தேவி துர்க்கையே
தேவி துர்க்கையே ஜெய தேவி துர்க்கையே
குருவு மானவள் துர்க்கா குழந்தை யானவள்
குலமு மானவள் எங்கள் குடும்ப தீபமே
திருவு மானவள் துர்க்கா திரிசூலி யானவள்
திலகமாய் என்றும் திகழும் துர்க்கையே!
தேவி துர்க்கையே! ஜெய தேவி துர்க்கையே!
தேவி துர்க்கையே! ஜெய தேவி துர்க்கையே
அன்னை துர்க்கையே! என்றும் அருளும் துர்க்கையே!
அன்பு துர்க்கையே! ஜெய தேவி துர்க்கையே!
கன்னி துர்க்கையே! இதயக் கமல துர்க்கையே!
கருணை துர்க்கையே! இதயக் கமல துர்க்கையே!
கருணை துர்க்கையே! வீர சுகுண துர்க்கையே!
தேவி துர்க்கையே! ஜெய தேவி துர்க்கையே!
தேவி துர்க்கையே ஜெய தே
ஜெய தேவி துர்க்கையே
எண்ணியது எண்ணியபடி நடக்க படிக்க வேண்டிய துர்க்கை அம்மன் துதி..
மந்திரம் உச்சரிக்கும் முறை…
துர்க்கை அம்மன் துதி பாடும்முன் அகல் விளக்கேற்றி, புஷ்பம் வைத்து துதி பாடல் தொடங்க வேண்டும். எலுமிச்சை அகல் விளக்கேற்றல் மிக சிறப்பு. தேவி துர்க்கையே! ஜெய தேவி துர்க்கையே! என்ற நாமம் பாடும் ஒவ்வொரு தடவையும் கையெடுத்துத் வணங்க வேண்டும். இப்பாடலை பாடிக்கொண்டே அடிமேல் அடி வைத்து 7 முறை துர்க்கை அம்மனை வலம் வந்து முடித்தல் வேண்டும்.
இப்படி ஒன்பது வாரங்கள் தொடர்ந்து செய்து வர நினைத்தது நிறைவேறும்…
ஸ்ரீ துர்க்கையம்மன் திருவடிகளே போற்றி!! போற்றி!!
