உங்கள் வாழ்க்கையில் சில விஷயங்களை யாரிடமும் பகிராதிருப்பது மிகவும் முக்கியம். அப்படியே நீங்கள் பகிர்ந்து கொண்டால் உங்கள் வாழ்க்கையில் பல சிக்கல்களை சந்திப்பீர்கள்.

1. நீங்கள் வாழ்க்கையில் எதிர்கொள்ளும் சோதனைகள்

உங்களுடைய வாழ்க்கையில் உங்களுக்கு சில நேரங்களில் ஆழ்ந்த குழப்பங்கள் அல்லது நெருக்கடியான சூழ்நிலைகள் வரலாம்.
இது உங்களுடைய தனிப்பட்ட விவகாரம். உங்கள் சோதனைகளை பற்றி யாரிடமும் பகிர்ந்து கொள்ளாதீர்கள். யாருக்கும் உங்கள் மேல் முழு அக்கறை கிடையாது என்பதை புரிந்து கொள்ளுங்கள்.

உங்கள் கஷ்டங்களை பகிர்ந்து கொள்வதால் உங்களுக்கு எந்தவித தீர்வும் கிடைக்காது. உங்கள் கஷ்டங்கள் என்றும் உங்களோடு இருப்பது தான் உங்கள் சுயமரியாதைக்கு நல்லது .

2. பண விஷயங்கள்

உங்கள் சம்பளம், வங்கிக் கணக்கு விவரங்கள், கடன் நிலை போன்றவை நீங்கள் நெருங்கியவர்களுடன் கூட பகிரக்கூடாது. பண விஷயங்களை அதிகம் பகிர்வது சில சமயங்களில் மற்றவர்களின் கண்திருஷ்டிக்கு உள்ளாக நேரிடும். உங்கள் பணவிஷயத்தை பற்றி வெளிப்படையாக பேசினால், உங்களுக்கு தேவையற்ற சிக்கல்களை உண்டாக்கும்.

3. குடும்ப சிக்கல்கள்

உங்கள் குடும்பத்திற்குள் நடைபெறும் சிக்கல்களை வெளியில் கூறுவது, குடும்ப உறவுகளை மேலும் கேள்விக்குறியாக்கலாம். உங்கள் குடும்பத்தில் ஏற்படும் தகராறுகளை பற்றி மற்றவர்களிடம் பேசுவது உங்கள் குடும்பத்தை தாழ்வு படுத்தும் அபாயம் உள்ளதால், இத்தகைய விஷயங்களை உங்களுடனையே வைத்திருக்க வேண்டும்.

4. உங்கள் கனவுகள்

உங்கள் தொழில் யோசனைகள் மற்றவர்களிடம் பகிரப்பட்டால், உங்களின் யோசனையை களவாடி உங்கள் முன்னேற்றத்தை தடுத்துவிடலாம்.
உங்கள் கனவுகளை மற்றவர்களிடம் பகிர்ந்து கொண்டால், உங்கள் முயற்சி வீண் என்று சொல்லி உங்கள் செயலாற்றலை முடக்கி விடுவார்கள்.

5. சொந்தங்கள் மேல் உங்களுக்கு உள்ள கோபம்

உங்கள் சொந்தங்களை பற்றி நீங்கள் மனதில் வைத்துள்ள எதிர்மறை எண்ணங்களை அல்லது குறைகளை அவர்கள் அல்லது மற்றவர்களுடன் பகிர்வதை தவிர்க்க வேண்டும். இல்லை என்றால், நீங்கள் சொன்னதை திரித்து உங்கள் மேல் தப்பு அபிப்பிராயம் வரும்படி செய்து விடுவார்கள்.

உங்கள் வாழ்க்கையை பராமரிப்பதற்கும், சந்தோஷமாக வாழ்வதற்கும் இந்த ரகசியங்களை யாரிடமும் பகிராதிருப்பது மிகவும் அவசியம். சில விஷயங்களை உங்கள் மனதில் மட்டுமே வைத்துக்கொள்வது உங்கள் மன நிம்மதிக்காகவும், உறவுகளை பாதுகாக்கவும் உதவும்.