திருநள்ளாற்றை சுற்றியுள்ள ஆலயங்கள் பகுதி 10

நவகிரக கோவில் - 4

 

நவகிரக தலங்கள் - சுக்கிர தலம் கஞ்சனூர் அருள்மிகு அக்கினீஸ்வரர் திருக்கோவில், தஞ்சாவூர்

 

திருநள்ளாறு கோவிலில் இருந்து 44 கிலோ மீட்டர்கள் 

 

நவகிரக தலங்களில் சுக்ரனுக்குரிய பரிகார தலமாக விளங்குவது கஞ்சனூர் அருள்மிகு அக்கினீஸ்வரர் திருக்கோவில். இக்கோவில் தஞ்சாவூர் மாவட்டத்தில் அமைந்துள்ளது. இது சுக்ர பரிகார தலமாக இருந்தாலும் இங்கு சுக்ரனுக்கு என்று தனி சன்னதி ஏதும் கிடையாது. சிவனே சுக்ரனின் வடிவாக காட்சி அளிக்கிறார். 

 

இது திருமண தடை நீக்கும் பரிகார தலமாக விளங்குகிறது.

 

மூர்த்தி, தலம், தீர்த்தம் ஆகிய மூன்றாலும் சிறப்பு பெற்ற இக்கோவில். இறைவனை திருமால், பிரம்மன், சந்திரன், கம்சபாண்டியன் ஆகியோர் வணங்கி பேறு பெற்றதாக வரலாறு உள்ளது. இறைவன் பிரம்ம தேவருக்கு திருமண கோலம் காட்டி அருளியதால் வலப்பாகத்தில் இறைவியை கொண்டுள்ளார்.

 

சுக்கிர பகவான் கோவில்

 

நவகிரக தலங்களில் (navagraha temples) சுக்ரனுக்குரிய பரிகார தலமாக விளங்குவது கஞ்சனூர் அருள்மிகு அக்கினீஸ்வரர் திருக்கோவில்(kanjanur agneeswarar temple). இக்கோவில் தஞ்சாவூர் மாவட்டத்தில் அமைந்துள்ளது. இது சுக்ர பரிகார தலமாக (sukran temple) இருந்தாலும் இங்கு சுக்ரனுக்கு என்று தனி சன்னதி ஏதும் கிடையாது. சிவனே சுக்ரனின் வடிவாக காட்சி அளிக்கிறார். இது திருமண தடை நீக்கும் பரிகார தலமாக விளங்குகிறது.

 

Sukran - சுக்கிர பகவான் :

 

நவகிரகங்களில் யோககாரகன் என அழைக்கப்படுபவர் சுக்கிரன். இவர் அசுரர்களின் குலகுருவாக போற்றப்படுபவர். வாழ்விற்கு தேவையான அத்தனை சந்தோஷங்களையும் தரக்கூடியவர் சுக்கிரன் தான். ஒருவரின் ஜாதகத்தில் சுக்கிர பலம் சரியாக இருந்தால் தான் மண வாழ்க்கை, மகப்பேறு, மகிழ்ச்சியான வாழ்க்கை என்பது அமைய முடியும்.

 

சுக்கிரனுக்கு உரிய நிறம் வெள்ளை. வாகனம் முதலை; தான்யம் மொச்சை. சுக்கிர பகவான் தான் திருமண பந்தத்திற்கு காரணமானவர் என்பதால், ஒருவரின் ஜாதகத்தில் சுக்கிரனின் பலம் குறைந்ததால் திருமணத்தில் தடை, திருமணம் தாமதம் ஆவது, இனிமையான திருமண வாழ்க்கை அமையாது இருப்பது போன்ற தோஷங்கள் ஏற்படும். செல்வ சேர்க்கைக்கும் காரணமானவராக சுக்கிரனே சொல்லப்படுகிறார்.

 

சுக்கிர பரிகார தலங்கள் :

 

சுக்கிரனுக்கே உரிய தலமாக கஞ்சனூர் சொல்லப்பட்டாலும் ஸ்ரீரங்கம் ரங்கநாதர் கோவில், திருபெருவேளூர் (திருவாரூர் மாவட்டம்) அபிமுக்தீஸ்வரர் கோவில், திருவெள்ளியங்குடி (தஞ்சாவூர் மாவட்டம்) கோலவில்லி ராமர் கோவில் போன்ற தலங்களும் சுக்கிர பரிகார தலங்களாக விளங்குகின்றன.

 

sukra gayathri - சுக்கிர காயத்ரி :

 

ஓம் அச்வத்வஜாய வித்மஹே

 

தனூர் ஹஸ்தாய தீமஹி

 

தன்னோ சுக்ரப்ரசோதயாத்

 

கோவில் தனிச்சிறப்புக்கள் :

 

* பிரம்மனுக்கு சிவ பெருமான் திருமண கோலத்தில் காட்சி கொடுத்த தலம்

 

* அக்கினி பகவான் வழிபட்டு, நோய் நீங்கிய தலம்.

 

* தல விருட்சத்தை ஒரு மண்டலம் சுற்றி வந்தால் கடன் தீரும்

 

கோவில் பற்றிய தகவல்கள் :

 

இறைவன் : அக்னீஸ்வரர்

 

இறைவி : கற்பகாம்பாள்

 

தல விருட்சம் : பலா, புரசு

 

தீர்த்தம் : அக்னி தீர்த்தம், பிரம்ம தீர்த்தம்

 

தேவர்களும், அசுரர்களும் இணைந்து பாற்கடலை கடைந்திருந்தாலும் தேவர்கள் மட்டுமே அமிர்தத்தை பருகினர். இதனால் கோபமடைந்த அசுரர்கள் தங்களின் குல குருவான சுக்ராச்சாரியாரிடம் சென்று முறையிட்டனர். அவரும், தேவர்கள் அனைத்து செல்வ வளங்களையும் இழந்து பூலோகம் சென்று துன்பப்படட்டும் என சாபம் அளித்தார். தேவர்களோ தங்களின் சாபம் நீங்க, வியாச முனிவரிடம் வழி கேட்டனர்.

 

அவர், உத்திரவாஹினி என அழைக்கப்படும் வடகாவிரியில் சென்று நீராடி, கற்பகாம்பிகை சமேத அக்கினீஸ்வரரை வழிபடும்படி ஆலோசனை வழங்கினார். அதே போல் தேவர்களும் வழிபட்டு சாப விமோசனம் பெற்றனர். சுக்கிரம் அளித்த சாபத்தில் இருந்து தேவர்களுக்கு நிவாரணம் வழங்கிய தலம் என்பதால் சுக்கிரனால் ஏற்படும் தோஷ நிவர்த்திக்குரிய தலமாக இத்தலம் விளங்குகிறது.

 

Agni Theertham- அக்னி தீர்த்தம் :

 

பிரம்ம தேவர் நடத்திய யாகத்தில் தேவர்களுக்கு அளிக்கப்பட்ட ஆகுதிகளை மற்றவர்களுக்கு பகிர்ந்தளிக்காமல் தான் மட்டுமே ஏற்றார் அக்கினி தேவன். இதனால் பாண்டு ரோகம் என்ற நோயால் பாதிக்கப்பட்ட அக்கினி தேவன், பிரம்ம தேவரிடமே நோய் நீங்க வழி கேட்டார். கஞ்சனூரில் அருள்புரியும் சிவ பெருமானை வழிபடும்படி ஆலோசனை வழங்கினார். அக்கினி தேவரும் இத்தல இறைவனை வழிபட்டு, நோய் நீங்கப் பெற்றார். அக்கினி பகவான் வழிபட்டு, நோய் நீங்கியதால் இத்தல இறைவன் அக்கினீஸ்வரர் என்ற திருநாமத்தால் அழைக்கப்படுகிறார். அக்னி பகவான் உருவாக்கிய தீர்த்தத்திற்கு அக்னி தீர்த்தம் என்று பெயர்.

 

பிரம்மா தவம் செய்த தலம் :

 

அக்னி தேவனின் நோய் காரணமாக தான் துவங்கிய யாகத்தை நிறைவு செய்ய முடியாததால் பிரம்ம தேவனின் படைப்பு தொழில் பாதிக்கப்பட்டது. இதனால் பிரம்ம தேவரும் இத்தலத்திற்கு வந்து சிவ பெருமானை நோக்கி தவமிருந்து, அருள் பெற்றார். இதனால் இந்த தலத்தில் ஓடும் காவிரி ஆற்றிற்கு பிரம்ம தீர்த்தம் என்று பெயர்.

 

கடன் தீர்க்கும் தல விருட்சம் :

 

பலா மற்றும் புரசு ஆகியன இத்தல விருட்சமாக போற்றப்படுகின்றன. இத்தல விருட்சத்தை ஒரு மண்டல காலம் 16 முறை சுற்றி வந்து வழிபட்டால் கடன் பிரச்சனைகள் நீங்கும் என்பது நம்பிக்கை.

 

தல பெருமை :

 

மதுரை ஆதினத்திற்கு உட்பட்ட இக்கோவில் பாடல் பெற்ற சிவத்தலங்களில் ஒன்றாக திகழ்கிறது. தேவாரம், பெரிய புராணம், சோழ மண்டல சதகம் ஆகிய நூல்களில் இத்தலம் குறித்து பாடப்பட்டுள்ளது. இக்கோவில் இருக்கும் நடராஜ சபைக்கு முக்தி மண்டபம் என்று பெயர். சிவ பெருமான், பராசர முனிவருக்கு முக்தி தாண்டவம் ஆடிய நிலையில் திருக்காட்சி கொடுத்த தலம். 63 நாயன்மார்களில் ஒருவரான மானக் கஞ்சாற நாயனார் அவதரித்து வழிபட்ட சிறப்பினை உடைய தலம்.

 

கோவில் அமைப்பு

 

ஐந்து நிலை ராஜகோபுரங்களை கொண்டதாக இத்தலம் அமைந்துள்ளது. உள் மண்டபத்தில் விநாயகர், மயூர சுப்பிரமணியர், மகாலட்சுமி சந்நிதிகள் உள்ளன. மகா மண்டபத்தில் பைரவர், சூரியன், சனிபகவான், சந்திரன், நவக்கிரகச் சந்நிதி, நால்வர் சந்நிதிகள் உள்ளன. கருவறையில் மூலவர் அக்னீஸ்வரர் கிழக்கு நோக்கிய சந்நிதியில் சுயம்பு மூர்த்தியாக உயர்ந்த பாணத்துடன் காட்சி தருகிறார். மூர்த்தி, தலம், தீர்த்தம் ஆகிய மூன்றாலும் சிறப்பு பெற்ற இத்தலத்தில், சிவ பெருமான், பிரம்ம தேவருக்கு திருமண கோலத்தில் காட்சி தந்ததாக சொல்லப்படுகிறது.

 

உடல்பிணி, சோகை நோய், சித்தபிரமை நீங்கவும், செல்வம் செழிக்கவும் இத்தல இறைவனிடம் பிரார்த்தனை செய்கின்றனர். வேண்டுதல் நிறைவேறியவர்கள் சிவ பெருமானுக்கு அபிஷேகம் செய்தும், வஸ்திரம் சாத்தியும் நேர்த்திக்கடன் நிறைவேற்றுகின்றனர்.

 

திருவிழாக்கள் :

 

மாசி மகம், தைத் திங்களில் ஹரதத்தர் காட்சி, ஆடிப்பூரம், திருவாதிரை, நவராத்திரி, சிவராத்திரி.

 

கோவில் திறந்திருக்கும் நேரம் :

 

காலை 7.30 முதல் மதியம் 12 வரையிலும், மாலை 4.30 முதல் இரவு 9 மணி வரையிலும் நடை திறந்திருக்கும்.

 

How to reach Kanjanur - முகவரி :

 

கஞ்சனூர் அக்கினீஸ்வரர் கோவில்

 

ஆடுதுறை - குத்தாலம் சாலை, கஞ்சனூர் - 609804

 

தஞ்சாவூர் மாவட்டம்.

 

தொலைப்பேசி - +91-435-247 3737